دڵێ کە شکیاس

دونیا بێ بنەو لە لێ کــەمەو نیەو

ئاوی کە ڕشیا هـەرگز جەمەو نیەو

سانێ لە جێ خوەێ یەی پل بخوەێدن

مەحاڵە لە نوو وە جی خوەی بایدن

دڵێ کە شکیاس لە نوو وە دڵ نیەو

چەمەر وە جیگیر سازو دێوەڵ نیەو

قسیەگ وە ناحەق  دەربچوو لە دڵ

دڵ پاچنێدن وێنەی پـــــەڕەی گوڵ

تیڕی لە چلەێ کـــەمان دەربچوو

ئاقەبەتێ کەس نیەزانێ چوە بوو

زەمان گوزەرێ ئمریش چودەسەر

نیەتێدەو ئمرێگ چیە وەهەێەر

هەرچێ فکڕەو کەم وەی دونیای فانی

دڵ وەکەس نێاس ئاقڵ خوەێ زانێ

دونیا تا وەسەر وەکـــــــــەس نیەمێنێ

یەێ خاسی و خراویێ لە دونیا مێنێ

خوەشاڵ وە هەرکە خەیربۊنێ سێنێ

نیکی بکـــــــــــــاریم هەر کە وە دینێ

سەفــــــەڕێ دونیا فـــڕە بێ وەفاس

تا ئــــەلان دیدە دڵ وە کــەسێ داس

دونیا مێنێدو خــــــــاس و خـڕاوێ

هەرکەس وە کەردەێ دەێدن جواوێ

   ئەلیمیر سەفەری