تاڵیبان قەیەغەی شەتڕەنج کەێد

شەفەق نيوز/ حکومەت تاڵیبان لە ئەفغانستان، بازی شەتڕەنجیش خستە ناو لیست قەیەغە، گوایە ئەو بازیە لەبان بەخت و چانسە و یاسای رەوشت شکنێد.

ئەتال ماشوانی قسەکەر وەڕیەوبەرایەتی وەرزشی ئەرا ئاژانس فرانس پرێس وت: بازی شەتڕەنج وە مەرج و گرەو پویل دریەێدە قەڵەم، کە وەگورەی یاسای (الأمر بالمعروف والنهي عن المنكر) کە پارەکە دەرچگە قەیەغەس.

 ماشوانی وتیش: چوینکە کارەگە پەیوەندی وە پرسەیلیگ ئاینی دیرێد، ئەراوە بازی شەتڕەنج لە ئەفغانستان بەسیەێد، تا چارەسەر کریەێد.

عەزیزولڵا گوڵزادە (46 ساڵە)، خاوەن چایخانەیگە لە کابوڵ، کە لەناوی بازی شەتڕەنج کردیان، وت: هەرچەن بڕیارەگە پەسەن نەکردیە، وەلێ ناچارە جیوەجیی بکەێد.

دیارکرد کە فرەی دەوڵەتەیل ئیسلامی بازیکەرەیل شەتڕەنج لە ئاست جیهانی دیرن، و لە بازیەیل ناودەوڵەتی بەشداری کەن.

وتیش: فرە لە گەنجەیل هەر رووژیگ سەردان ئی چایخانە کەن، و بازی کەن وەبی مەرج و گرەو، وەداخەو کە ئیسە کەمتر گردەو بوون.

وتیش: دووسدارەیل شەتڕەنج ئەوەسا خەفەت خوەن.