سەرلەنوو میوانە رەنگزەردەگە سەردان عراق کەێد
شەفەق نيوز/ دەسەی کەشناسی و زەویلەرزەناسی عراق، ئمڕوو دووشەممە، هوشداری دا کە ناوچەیل خوەرئاوای وڵات کەفێدە وەر خوەڵوتووز خەسیگ، بوودە مدوو داوەزیان ئاست نووڕستن ئەرا کەمتر لە یەک کیلۆمەتر لە فرەی ناوچەیل خوەرئاوا.
وەگورەی بەیاننامەیگ لەلایەن بەش مەزەنەکردن کەشوهەوا کە رەسیە ئاژانس شەفەق نیوز: مەزەنە کریەێد لە ماوەی ساعەتەیل ئیوارە ە شەو خوەڵوتووز بڕەسێدە ناوچەیلیگ لە ناوڕاس وڵات، وەلێ کەمترە لە ناوچەیل خوەرئاوا.
دیاری کرد کە دویای ئەوە وەرەو شارەیل باشوور چوود، وەگەرد هەڵکردن وتی باکوور خوەرئاوایی تونیگ.
دەسەگە هوشداری دا لە داوەزیان گەورەیگ لە ئاست نووڕستن لەو ناوچەیلە، و داوا لە بیمارەیل هەناسەدان و گەورە تەمەنەیل کرد لە شوینەیل بەسیاگ بمینن، و نەکەفنە وەر خوەڵوتووز، هەمیش بایەسە رانندەیل ئاگادار بوون، وەتایبەت لەبان ریەیل سەرەکی و شوینە وازەیل.
وتیش: هاتێ سوو سێشەممەیس وڵاتەگە بکەفێدە وەر هەڵکردن خوەڵوتووز نوویگ، ئیجا شارەیل باکووریش بگرێدەو.
