سلێمانی.. دەسگیرکردن 4 بازرگان مادەی هووشبەر کە زیاتریان ئیرانیین 10کگم مادەی "کریستال" وەپیان بویە
شەفەق نیوز/ دەزگای ئاسایش هەرێم کوردستان، ئمڕوو شەممە، راگەیان ئۆپراسیۆنیگ ئەمنی جیوەجیکردنە لە ئەنجام چوار کەس وە توومەت بازرگانیکردن وە مادەی هووشبەر دەسگیرکردن و دەسگردن وەبان بڕ گەپیگ مادەی "کریستال" هووشبەر لە شار سلێمانی.
دەزگاگە لە بەیاننامەیگ رەسیە ئاژانس شەفەق نیوز راگەیان، "وەڕێوەبەرایەتی گشتی بەڕەنگاربوین مادەی هووشبەر وە پشت بەسان وە زانیاری هەواڵگێریەیل دویزیگ و هەماهەنگی وەرد وەڕێوەبەرایەتی بەڕەنگاربوینەوەی مادەی هووشبەر پارێزگای هەولێر، توەستن ئۆپراسیۆنیگ جۆری جیوەجی بکەن و لە ئەنجام چوار بازرگان مادەی هووشبەر دەسگیرکردن و دەسگردن وەبان دە کیلوگرام مادەی کریستال".
وتیش "توومەتبارەیل وەنیازبوین ئەو بڕە دەس وەبانی گیریاس ئەرا دهۆک قاچاخی بکەن" دیاریکرد
"دەسوەسەرکریاگەیل ئیرنگە وە فەرمان دادوەر زیندانیکریانە، سێ کەسیان ناسنامەی ئیرانی هەڵگردنە، چوارەمیان هاوڵاتیگ خەڵک هەرێم کوردستانە".
دەزگای ئاسایش لە کۆتایی بەیاننامەگەی دووپاتکرد لەبان وەردەوامی تەقەلایان وە "هەماهەنگی وەرد دەزگا ئەمنیەیل جیاواز لە حکومەت هەرێم و حکومەت فیدڕاڵی، لە چوارچمگ بەڕەنگاربوین بەڵای هووشبەر و رویوەبویبوین تووڕەیل قاچاخ و بڵاوکردن".
