نێچیروان بارزانی پشتیوانی کوردستان ئەرا ئەرکەیل نەتەوە یەکگرتگەیل دووپات کەێد
شەفەق نیوز ــ هەولێر
سەرۆک هەریم کوردستان نێچیروان بارزانی، شەوەکی ئمڕوو پەنجشەممە، پیشوازیکرد لە نوێنەر تایبەت ئەمیندار گشتی نەتەوە یەکگرتگەیل و سەرۆک نوێنەر یونامی لە عراق محەمەد ئەلحەسان.
سەرۆک هەرێم کوردستان لە بەیاننامەیگ رەسیە ئاژانس شەفەق نیوز وت، لە دیدارەگە گفتوگوکریا لەبان بارودۆخ سیاسی و گشتی عراق و هەریم کوردستان، و گرنگی هاوکاری و هەماهەنگی ناوەین نوێنەر یونامی و لایەنەیل پەیوەنیدار وڵاتەگە، وەرد ئاڵشتکردن بیروڕا لەباوەت ئەوزەڵکردنەیل بارودۆخ خوەرهەڵات ناوڕاس و ئاڵنکاریەیل ناوچەگە.
بارزانی دەسخوەشی لە ئەو رۆلە کرد کە نەتەوە یەکگرتگەل و نوێنەر یونامی داشتیەسێ لە مژارە جیاوازەل، دووپاتکرد هەێم گشت ئامادەکارییگ کەێد ئەرا دابینکردن ئاسانکاریەیل هەوەجەکریاگ ئەرا سەرکەفتیبوینئەرک نوێنەرەگە تا کۆتاییهاتن وە کارەگەی.
لای خوەیەو ئه‌لحسان دەسخوەشی نه‌ته‌وه يه‌كگرتگەیل و يوونامیى کرد ئەرا دەسمیەتی لايه‌نه په‌يوه‌نديداره‌یل هه‌رێمى كوردستان و دووپاتکرد له گرنگى پاراستن عراق له گیچەڵەیل ناوچه‌گە.
هەردووگ لا چارەسەرکردن گیچەڵەی هەولێر ــ بەغداد ولەیەکفامستن ناوەینیان وە هەوەجە زانستن کە لە بەرەوەن گشت عراقە و خزمەت وە پاراستن ئارامی
و سه‌قامگيرى و ئەوزەڵکردن وڵات کەێد و لە دیدارەگە چەن پرسیگ ترەک گرنگ گفتوگو لەبانی کریا.
