بیتکۆین رەسێدە نزیک 100 هەزار دۆلار
شەفەق نیوز/ پویل ئەلیکترۆنی بیتکۆین پەسا جاریگ ترەک تیەێدە تزیک 100 هەزار دۆلار، دویای ئەوەگ لە کۆتایی مانگ شوباتەو رەسیە بەرزترین ئاست، یەیش لە وەختیگ کە ئارەزوو بەرهەمهاورەیل ئەرا ملهڕیکردن لە بازاڕە داراییەیل گلەو خوەێد.
لە چەن هەفتەی گوزەشتە بیتکۆین لەژیر فشار داوەزیانە، دویای ئەوەگ سیاسەت گومرگی دۆناڵد ترەمپ سەرۆک وەرین ئەمریکا بویە مدوو داوەزیان وەرچەویگ کە هەردوگ بازاڕ بۆرسە و سەروەت و سامان دیجیتاڵی گردەو.
پویل ئەلیکترۆنی وەڕیژەی 30% داوەزیا کە لە مانگ یەک بەرزترین ئاستی توومارکرد کە نزیکەی 109 هەزار دۆلار بوی، ئەو رووژە ترەمپ ئەرا دویەم خول سەرۆکایەتی ئەمریکا دەسەوکارەو بوی.
لە فرووشتن و سەنین ئمڕوو، بیتکۆین وەڕیژەی ٣.١% زیایکرگوە و رەسیەسە ٩٧ هەزار و ٤٨٣ دۆلار، کە بەرزترین ئاستی بویە لە دویای ٢١ شوباتەو.
دوایین جار لە ٧ شوبات نرخ پویل ئەلیکترۆنی لە ئەوبان ١٠٠ هەزار دۆلار بوی.
پویلە ئەلیکترۆنیە بویچگەیل لە رووژ پەنجشەممە قازانجیک گەورەتر وەخوەیان دینر کە دۆجکۆین بازدانیگ وەڕیژەی 4.8% و ئیتەر وەڕیژەی 3.3% بەرزەوبوین توومار کرد.
