کەسەیلیگ نەبایەس جگەر بخوەن

شەفەق نیوز/ جگەر ئاژەڵ و مامر هەرچەن وەلیفەت وە لەش رەسنێد و دەوڵەمەنە وە ڤیتامین 12 باجی زیایچگن لە خواردنی گرفت تەندروسی دروسکەێد.

ماڵپەڕ "هێڵس لاینی" بەریتانی لەباوەتیگ دیاریکردیە، جگەر ئامێریگ پاڵاوتنە لە لەش ئاژەڵ یا مامر و گشت ئەو هۆرمۆن و دەرمانەیلە كە درێد وە  ئاژەڵەگە یا مامرەگە لەناوی گردەو بوود یەیش هووکارە ئەړا گردەوبوین ژەهر لە لەش.

 ئەو کەسەیلە بیماری (داء الملوك) دیرن نیەود  جگەر بخوەن، چوینکە بڕیگ رخداری یۆریک دروسکەێد، و رێژەی فرەیگیش چەوری و کروسترۆل.

ئەرا ئەوەیچ بیماری دڵ و لویلەیل خوین دیرن گونجیاگ نییە.

لەهەمان وەخت هەوەجەکەێد دویرەوبکەفن لە جگەر رچکیاگ و هاوردە، چوینکە رێژەی فرەیگ نیترات سۆدیۆم هاناوی کە لە بڕیگ حاڵەت زەرەد وە تەندروسی رەسنێد.